Wierszyk dla dzieci po śląsku - Jak kopruch uczoł mrowka lotanio
Chcioł roz jedyn szprytny kopruch
nauczyć mrowka lotanio,
-bydziesz u mje moja frelko
miała lekcje bez czekanio.
Kolejka cie sie niy tyczy,
wiyncyj czasu bydziesz miała,
zaś dłog za cołko nauka
w ratach bydziesz mi spłocała.
Załatwić pożyczka w banku
moga tyż po znajomości,
zero procynt bez prowizji
bank przijazny dlo swych gości.
Jo kochano z moji strony
dom ze trzi lekcije darmowe,
nauczysz sie wartko lotać
bydziesz miała życi nowe.
Zrobisz wielko karijera,
u krolowej poważani,
bydziesz mieć nowych kamratow
a u przocieli uznani.
- I tak kopruch mrowka kusioł
obiecywoł złote gory,
no i wto by mu uwierzoł
przeca to som same bzdury.
Mrowka mondro i robotno
niepotrzebne ji lotani,
robotom ciynżkom
i szprytym zasłużyła na uznani.
Renia Sobik
Wierszyk ten jest napisany w gwarze śląskiej dlatego dla Tych którzy nie znają tej gwary podaję znaczenie słów Kopruch - komar, frelka - panna, lotać - latać, nie tyczy - nie dotyczy, wiyncyj - więcej, dłog - dług, wartko - szybko, kamraci - koledzy, pszociele - znajomi krewni przyjaciele, pszeca - przecież, szprytno - sprytna